影片
更多
2008-01-13
4 浏览
话说，本人与几位好友昨晚订7:00pm的台，我地大约6:55分就到达。四宗离谱待遇：1) 一开始就已经搞笑，我地明明订四大一小，小朋友都要$78/位。佢竟然俾张四人台？如果小朋友唔驶俾钱的情况下，佢咁做我都觉得正常。但系，果个小朋友系要俾钱，点解连一个座位都冇？2) 服务员实在太少，都唔知叫左几耐先有人拎个打火机黎同我地开炉，入座距开炉时间差不多相隔15-20分钟。3) 开炉大约1个钟头之后，个经理好搞笑咁走埋黎同我地讲：「若果你地系8:30埋单走，俾番个九折我地。」咁我地大家心谂，入到黎食，人都未食饱，又唔系烧左好耐。结果，我地梗系回覆佢，我地选择食到够钟8:55pm喇！点知佢真系好似好想我地走咁，第二次再走埋黎同我地讲：「考唔考虑8:30埋单？」此举，真系令我地觉得非常反感！最后，佢地8:30分拎张单埋黎，叫我地埋单先。此时，佢又同我地讲，若现在离座，可以少计小朋友的费用，即系$78。真系咁都得？想我地走由九折减61.8-->变减85.1？但我地仍然坚持要食到8:55。4) 最离谱系，我地台上面的野都食未完，佢地d 服务员走黎收我地台上的碗碟‧‧‧果阵都系8:45左右，咁即
四宗离谱待遇：
1) 一开始就已经搞笑，我地明明订四大一小，小朋友都要$78/位。佢竟然俾张四人台？如果小朋友唔驶俾钱的情况下，佢咁做我都觉得正常。但系，果个小朋友系要俾钱，点解连一个座位都冇？
2) 服务员实在太少，都唔知叫左几耐先有人拎个打火机黎同我地开炉，入座距开炉时间差不多相隔15-20分钟。
3) 开炉大约1个钟头之后，个经理好搞笑咁走埋黎同我地讲：「若果你地系8:30埋单走，俾番个九折我地。」咁我地大家心谂，入到黎食，人都未食饱，又唔系烧左好耐。结果，我地梗系回覆佢，我地选择食到够钟8:55pm喇！点知佢真系好似好想我地走咁，第二次再走埋黎同我地讲：「考唔考虑8:30埋单？」此举，真系令我地觉得非常反感！最后，佢地8:30分拎张单埋黎，叫我地埋单先。此时，佢又同我地讲，若现在离座，可以少计小朋友的费用，即系$78。真系咁都得？想我地走由九折减61.8-->变减85.1？但我地仍然坚持要食到8:55。
4) 最离谱系，我地台上面的野都食未完，佢地d 服务员走黎收我地台上的碗碟‧‧‧果阵都系8:45左右，咁即系摆明要我地即走者？我朋友呢个时候仲剥紧虾壳，佢将佢成份碗碟连纸一齐咁扯走，叫住佢我地仲未剥完，但佢仲一于好少理，真系离晒大谱。我从来未食过一餐咁样的饭‧‧‧大过份，呢d 究竟系咩服务态度？
客观d 睇，我知你地有客人想入座，但系我地同样系佢地客人，点解要俾d 咁的服务态度对我地？系咪已经袋左钱就唔驶理我地，反要去照顾仲未俾钱的人？真系不吐不快！
张贴