Ambrosia Oyster Bar & Grill (已結業)

从来未试过一间价位系$401-800既餐厅，会有意想不到咁差既服务。睇翻OpenRice comments,原来已经有不少人投诉过服务态度差, 只怪我地知得太迟！7位set dinner埋单静系计左1位，但系同时又可以正确地计左三位wine pairing. 请问职员系点样可以1位set dinner配3位wine pairing呢？职员转头翻来想叫我地重新签过张单，一位疑似经理哥哥系一边飘过一边讲：”张单有问题，稳个位等一等。”过程望都无望过我地一眼，一句唔好意思都无。等左5分钟，一位职员姐姐攞左张新单来，我地当然先问清楚点解头先会搞错晒。点知呢位姐姐竟然开口就话：”其实张单错左，我地同客人都有50，50既责任去check清楚张单。”由头到尾亦都系一句唔好意思都无。阿小姐，今时今日既服务态度，你想点啊！自己出错张单，唔好意思都无句，濑客人无check清楚？仲离谱既系，最后睇翻张新单，都仲系计错数！