醉上海 (已結業)

第一次食呢间上海野，三个人叫左1.南翔小龙包2.菜肉云吞 3.炸银丝卷 4.杨州炒饭 5.上海炒粗面，总共五样𩠌，仲叫咗杯豆浆添，谂住未试过啦，就试吓佢好唔好食，其实我觉得啲嘢食味道系唔差㗎，几钟意佢个杨州炒饭炒得几香，菜肉云吞加上高汤味道入口都不错，炸银丝卷入边嘅面包都切左一条条咁，方便点炼奶食，但系本身以为可以安安乐乐咁食餐饭，之后嘅体验令我决定以后唔会再食呢间野，点解呢？计埋上菜时间，我哋坐喺餐厅嘅时间根本上好少，大约半个钟左右，我哋已经差唔多清左枱上面嘅食物，正常你食完野都会想继续饮番杯水唞一唞，但系个侍应啊姐，极速咁走来收走晒枱上面嘅碗碟，俾人感觉上好似想赶我地走咁，收走晒所有食物嘅碗碟之后，我哋嘅水杯仲有好大杯水，谂住饮埋先走啦，点知个侍应阿姐又走过来，就问我地啲水唔要㗎啦呵？系我未答佢嘅时候，佢已经将只手指插左落d杯度，一野收走晒啲杯，我觉得佢今时今日咁嘅服务态度真系唔得，就算啲嘢食几好食都好，呢间餐厅对于侍应嘅质素真系训练得好差，好影响客人第日会唔会再次去食，总括嚟讲，收+1嘅服务费，真心唔值得！