黃金冰室

营业中

休息中

真系嬲到震，想食个早餐都要受气。我哋一家三口入去食早餐，当时满坐，见有人啱啱走，我哋就随即坐低。侍应收起之前嘅餐之后，我妈咪就睇下menu有咩食。妈咪仲睇紧之际，侍应一手抢咗佢份menu，抹完台之后大力放返menu喺台。重点系份menu唔系普通胶file，系铁架嚟。父母觉得算啦唔系大件事，咁我哋继续睇食咩。妈咪举手示意可以落order，侍应拨走我妈咪只手，我真系火都嚟。你忙做到忟我理解，但全程不发一语只动手动脚，真系讲唔通。我哋三个立刻起身走，爸爸临走之前同个收银(唔知系唔系老板娘)讲：你啲伙记好无礼貌。跟随我后面嘅食客应声话：赞成。门口陆陆续续有好多人排队入去。其实餐饮业真系好难做，有好多默默耕耘嘅餐厅努力求存，真心想讲唔嚟呢间仲有好多选择。