花椒子 (已結業)

原本谂住开开心心食饭唱k，同女朋友嚟谂住听下歌，点知啲服务态度劲差。个台劲细，一d feel都无。音响都算ok，不过音乐声偏细。嘢食就过得去，选择比较少，款式唔算多，上餐速度慢。最过分系，佢喺食到个半钟𠮶阵同我地讲last order，咁我地就当然叫多啲，慢慢食，点知佢撘正两小时嘅时间，唔出声直接走嚟熄咗我地个炉，然后倒晒我地叫嘅食物。𠮶度都有五、六碟食物，为咗赶客，咁样浪费食物，真心唔欣赏。讲真，你又全部吉枱，又无人出面等位，你咁早赶我地走做咩？如果你有礼貌咁善意提醒我哋，我哋自然会识做食快啲，不过餐厅就选择用另一种方法，一方面浪费食物，另一方面导致呢篇文章嘅诞生。同埋我想讲，呢间餐厅嘅主打系唱k火锅，一路唱，一路食，就当然食得慢，咁你又要限时两个钟，我打电话book位嘅时候又无讲，点会够时间？我初头以为星期六、日晚会劲多人，点知餐厅又无人等位，又咁多吉枱，都仲要咁样赶客，唔怪得知间餐厅做唔起，揾几多kol 嚟宣传都无用，仲浪费埋Vsing个名。好好嘅concept，好好嘅硬件，就比好差嘅服务一手破坏。