麵檔

营业中

休息中

新开张车仔面店，其实系旧时大牌档小炒执咗转型，唔怪得服务咁差。谂住新开档，作为湾仔街坊嘅小弟梗系入去试下咩料。夜晚8点食饭时间一入去得两枱客，个心已经打咗个突，企咗3秒有男人坐咗近门口张枱我仲以为系食客，点知见佢著住职员制服，完全当睇我唔到，好，照坐低睇下系咪真系咁差。叫咗4𩠌面加饮品，5分钟上齐。食物味道只系不过不失普通车仔面。食完埋单个男职员埋去收钱，收钱找钱完全唔望我一眼，找完钱一句多谢都冇，明显唔系新开张食店正常操作。呢间咁嘅嘢不出半年一定执，我话嘅。