川婆婆 (已結業)

今日真系激到核爆，爆到第一次写食评！我经常都帮衬尖沙咀同筲箕湾分店，岀品同服务态度都系良好。今日经过旺角分店谂住试下啦，点知真系一试难忘，楼面个阿姨服务真系奇差xN，一入去已经好似欠咗佢，我哋四个人佢求其揼低两张纸比我哋叫面tick𩠌，问佢攞多张都好似唔愿比，tick好𩠌交单又扮睇唔到要行岀去攞比佢，坐坐下又无喇喇同我哋讲"呢张系六人枱嚟㗎㖞，你哋坐埋一边啦，留返两个位比人搭枱！"，我哋张枱一边系长櫈另边有两张挨pan櫈，我哋点会知系六人枱，间舖又只系坐咗一半人，明玩嘢。去比钱果时，佢印张单岀嚟塞落我只手度，我谂佢意思系叫我自己睇几钱。我带住小朋友自问全程都好好礼貌，从来都无顶撞过佢，直到佢找钱比我果刻我都系唔该前唔该后，可能我真系样太衰🤦，唯有安慰自己佢对个个客都系咁🤷旺角呢间真系永世唔会再帮衬🙅，要食都去返尖沙咀同筲箕湾。