醉藥雞 (福榮街)

营业中

休息中

本人三位晚市去到排队等位，在我之前有五张枱等紧，全都是两位。等咗半个钟，等前面五个号码入晒，下张应该到我（54号），跟住职员叫我之后果个号码入（55号），因为系二人枱。我觉得系ok嘅，等咗震，又叫二人枱（56号）。未有四人枱，冇办法。之后佢叫（57号）同（58号）两张二人飞，我望入去见到系一齐坐喺四人枱。我就问职员点解唔系我先？佢答话太多人等，要尽量入多d人先。咁我话咁有四人枱唔俾我，咁我系咪要等我之后d二人枱入晒先有枱？佢我不如依家分开两张二人飞等啦～佢话可以，之后下两张飞我地就入咗去，我一个人一坐底，我隔离枱就结账，我问职员我另外两位朋友都未叫野食可否调过黎？职员竟然黑面话唔得㖞，如果你要四人枱，一系起身出去攞飞排过！我问点解唔得？佢答唔得就唔得。跟住我话要见佢老板，佢话冇老板！我全程冇大声过，冇骂过任何人，更加冇粗言秽语，竟然换黎咁嘅服务态度！