Elephant Grounds (已結業)

系金钟PP附近番工，基本上区内咖啡都试过晒，单计太古广场内， FUEL 固然好饮，但偏贵，又唔想饮星巴克，所以近半年来，基本上每星期有三至四日都帮衬 Elephant grounds，加上佢位置比较近公司，唔驶行咁远。佢杯flat white 系唔错，40元一杯Regular Size coffee ，反正番工时间，味道可以又唔驶排长龙便可。但其店员态度向来称不上友善，近期更不时有甩单情况。果日，五组客人买咖啡，我排第二个付款，但当第三、第四个客都拎到咖啡时，我上前询问，店员们系一贯地唔理你，好似扮听唔到咁，然后佢再摆杯做好的咖啡出来，我谂住伸手拎，佢拎开，但仍然唔会望你或同你讲野。然后到第五个客拎埋咖啡，得番我一个，佢地先发现甩左单，然后两三个职员仲要系到互开玩笑，细细声「哗，你又甩单」， 一句唔好意思都冇，其实买杯咖啡，虽然唔系咩大数目，但帮衬呢间店，感觉真系几差。然后我同一位也在PP附近番工的朋友分享，佢话「下，呢间野我冇帮衬好耐。」