影片
更多
2022-10-01
222 浏览
今日打完针谂住食餐好既下午茶叹吓，所以谂住揾间好坐啲既茶餐厅啦，最后拣咗奥海城一期既敏华试吓啦！入到去见到得小猫三四只都已经心知不妙，不过既然入到嚟坐低左咁就算啦。我地三个人叫左三个餐，包括（1）T6-四川榨菜肉丝米粉跟热华田、（2）冰火碎蛋叉烧三文治跟冰奶茶。同（3）T1-马来三叔公咖吔多士跟冻鲜奶。等左一阵，四川榨菜肉丝米粉先上，米粉偏硬，榨菜辣之余仲老到有渣。餐送既两只炸鸡翼就味道唔错。后上既所谓冰火碎蛋叉烧三文治味道可以，一试无妨，特色欠奉。冰奶茶一般。等左好耐都未见到而又已经整好既「马来三叔公咖吔多士」被「放置」喺出货位迟迟未上台。我地亦只见有个侍应喺度包外卖包左成五分钟都未包完。卒之忍唔住「查询」之际，隔离枱𠮶碗沙爹牛面同抄蛋多士居然上咗我地张枱，我地同个肥肥地既女侍应讲，佢仲声大夹恶话：「24A吖嘛！您地落单㗎㖞！」跟住隔离枱对夫妇话：「系我地落㗎！哗！你哋咁样周围摆，啲水口飞晒落碟嘢度，叫人客点食呀！」个肥女侍应继续大大声讲：「放心！我地有我地既水准要keep！哪！我而家叫佢地整过啦！」跟住佢大大声同厨房讲：「整过一碟出嚟啦！」三「吹」四请叫左几个侍应，「马来三叔公咖吔
我地三个人叫左三个餐，包括（1）T6-四川榨菜肉丝米粉跟热华田、（2）冰火碎蛋叉烧三文治跟冰奶茶。同（3）T1-马来三叔公咖吔多士跟冻鲜奶。
等左一阵，四川榨菜肉丝米粉先上，米粉偏硬，榨菜辣之余仲老到有渣。餐送既两只炸鸡翼就味道唔错。
后上既所谓冰火碎蛋叉烧三文治味道可以，一试无妨，特色欠奉。冰奶茶一般。
等左好耐都未见到而又已经整好既「马来三叔公咖吔多士」被「放置」喺出货位迟迟未上台。我地亦只见有个侍应喺度包外卖包左成五分钟都未包完。
卒之忍唔住「查询」之际，隔离枱𠮶碗沙爹牛面同抄蛋多士居然上咗我地张枱，我地同个肥肥地既女侍应讲，佢仲声大夹恶话：「24A吖嘛！您地落单㗎㖞！」跟住隔离枱对夫妇话：「系我地落㗎！哗！你哋咁样周围摆，啲水口飞晒落碟嘢度，叫人客点食呀！」
个肥女侍应继续大大声讲：「放心！我地有我地既水准要keep！哪！我而家叫佢地整过啦！」跟住佢大大声同厨房讲：「整过一碟出嚟啦！」
三「吹」四请叫左几个侍应，「马来三叔公咖吔多士」同冻鲜奶卒之喺两个侍应手中上枱。。。「马来三叔公咖吔多士」味道一般。冻鲜奶系维记。
到埋单时，原来隔离叫𠮶两个餐仲未改番去隔离枱（想收我哋$200），于是我地又讲一大轮解释一大轮，仲好似讲到系我地搅住佢地咁先肯cancel ，最后盛惠$123。
总括一句，三个字：无下次。
张贴