L'attitude (已結業)

星期六黎呢度食午餐，选择比西环𠮶间少很多，坐低左就费事再揾餐厅拣好左就举手落单企门口收银𠮶位长发小姐木无表情地写单，算到埋单时，我用信用卡俾钱，佢碌完我张咭俾张单我，但佢放低就算，拧转头头也不回返去佢嘅收银处发呆，笔都冇支俾我，我𠮶下真系疑惑我系咪要咬爆手指用血签名，我碌咁多次咭都系第一次见到呢种精英。佢同事就醒目，一眼望到呢位长发精英冇俾笔我，就即刻同佢讲，”你冇俾笔人签名啊”，并即时系袋里攞笔俾我同我道歉，但长发精英仍觉得自己完全冇问题。佢有呢啲好同事帮佢补获真系好好彩，但佢同事遇到佢就真系阴功。讲返食物质素，我叫左鱼生饭1号，价值148蚊，值唔值就真系见仁见智。份量比想像中细，饭系热辣辣嘅，都偏湿浆口，不是黏口，是浆口，鱼生质素和连锁外带寿司店差不多，而且星期六系冇面豉汤送，所以在我角度黎讲系唔值148再加一。是次用餐经验都颇失望，定我的期望太高？因为西环𠮶间不论服务和食物质素及选择都比呢间优胜得多。