Oliver's Super Sandwiches (已結業)

今日中午我们喺沙田做完嘢之后去咗新城市广场嘅「Oliver's Super Sandwiches」食中午餐！牛油果·马苏里拉芝士·松子仁配意大利香草软包嘅包质唔算好软熟，但香草嘅味道过度浓郁，完全掩盖晒所有材料嘅味道，所以祇系食到香草味！黑椒牛肉·忌廉芝士·爱尔兰啤酒酱配果仁农夫包嘅牛肉肉质好松软，牛肉味都几香浓，围著边嘅黑椒令到味道更加惹味，但包质就好干好硬，要好用力咬先可以咬开，至于伴碟嘅沙律菜都几清甜新鲜！经典公司三文治「全麦方包」嘅份量虽然比旺角新世纪广场店多，但比较早前嚟沙田店食过嘅少咗啲啲，但都几新鲜！至于服务态度就比较差，因当时其中一位店员将我们嘅食物送嚟𠮶阵，唔小心将啲粟米浓汤倒泻咗，但佢嘅态度好似觉得唔关佢事咁，仲话叫我们自己去买过另一杯！真系激到我们半死！