影片
更多
2021-10-09
2417 浏览
10月1日起連續三日假期。打算同屋企人即興去食buffet，不過好多餐廳都冇得即日訂位。上網見到康得思下午茶buffet，價錢合理，又可以即日訂位，於是就決定去試下。openrice有八折優惠：成人原價 348，長者258，連埋加一，三個人858。雖然係假期，但係都唔算好full，入座率大概係一半。 今次食日韓主題，食物款式不多，基本有沙律。日本嘢食冇刺身，得波波壽司、 章魚燒、大阪燒、吉列豬扒、炸薯餅、 豬肉串燒、蛋包飯、炸芝士薯條、 卡邦尼年糕、香煎蘿蔔糕、仲有好多小冷盤……韓國嘢有炸熱狗腸、韓式炒粉絲、韓式炸雞……壽司款式有六種，但係冇擺牌，唔熟識嘅都唔知自己食咗啲咩。赤貝好爽、八爪魚壽司都正常，飯有醋味，都幾好食。不過如果食哂六款波波壽司的話，都已經有成碗飯咁多，浪費胃嘅容量。如果係刺身就好啲。 其他熱葷都正常，唔算特別好食， 吉列豬扒算比較腍，不過啲嘢食唔係好夠熱。甜品櫃裏面啲甜品好吸睛，係kitkat主題，睇得出好畀心機去整造型。抹茶奇巧柚子慕絲吸引，外形成枝雪糕咁，好得意。不過個雪糕筒淋咗，唔脆嘅， 慕絲比層綠茶朱古力包住， 裏面都算順滑。黑朱古力奇巧咖啡撻一入口咖啡味好
雖然係假期，但係都唔算好full，入座率大概係一半。 今次食日韓主題，食物款式不多，基本有沙律。日本嘢食冇刺身，得波波壽司、 章魚燒、大阪燒、吉列豬扒、炸薯餅、 豬肉串燒、蛋包飯、炸芝士薯條、 卡邦尼年糕、香煎蘿蔔糕、仲有好多小冷盤……韓國嘢有炸熱狗腸、韓式炒粉絲、韓式炸雞……
壽司款式有六種，但係冇擺牌，唔熟識嘅都唔知自己食咗啲咩。赤貝好爽、八爪魚壽司都正常，飯有醋味，都幾好食。不過如果食哂六款波波壽司的話，都已經有成碗飯咁多，浪費胃嘅容量。如果係刺身就好啲。 其他熱葷都正常，唔算特別好食， 吉列豬扒算比較腍，不過啲嘢食唔係好夠熱。
甜品櫃裏面啲甜品好吸睛，係kitkat主題，睇得出好畀心機去整造型。抹茶奇巧柚子慕絲吸引，外形成枝雪糕咁，好得意。不過個雪糕筒淋咗，唔脆嘅， 慕絲比層綠茶朱古力包住， 裏面都算順滑。黑朱古力奇巧咖啡撻一入口咖啡味好濃。我就鍾意食意大利芝士大福， 外皮唔算好厚，有啲煙韌，又唔會十分甜，非常好。 呢度嘅甜品都幾有誠意。雪糕牛角包幾特別，將個牛角包夾扁咗，食落口少少暖，有少少鬆脆，加埋啲雪糕非常好味。Movenpick雪糕當然唔使講，有八款口味，食咗五款，覺得抵返曬。
飲品區有自助嘅咖啡、茶水、果汁等等。一入座嘅時候， 侍應畀咗每人一枚代幣，可以換領一杯特飲，有士多啤梨朱古力奶、士多啤梨氣泡酒、韓國蜂蜜 柚子茶。 我點咗士多啤梨朱古力奶。本身以為係有士多啤梨味嘅，原來只係喺個朱古力奶上面加層cream，再加一粒士多啤梨。奶唔算好甜，不過飲飲下嘅時候發生咗一段插曲：
我見到有滴冷氣機水跌咗落我杯朱古力奶度，我當然即刻唔飲啦，叫侍應收咗佢。點知過咗一陣，再有滴水滴咗落檯面。我哋開始覺得唔對路，係咁望住個天花板。侍應反應都好快，立即通知咗經理，主動提出幫我哋換枱，服務非常好。我哋換咗枱之後，侍應都好主動，立即幫我哋斟番啲本身檯面上有嘅飲品。呢個服務態度真係令到我哋覺得佢係一間五星級酒店應有嘅服務態度。
最後我哋去夾波波，門口有部夾波波機。侍應喺我哋食食下嘅時候，畀咗兩張紙仔我哋，話可以去換代幣夾波波。第一次先生夾唔中，第二次我夾，一夾夾中咗一個， 然後fing咗兩個出嚟， 攞到三個波波真係滿心歡喜咗30秒。 一打開個波波，發現係一張早餐券， 128蚊就可以食到自助早餐(包加一)。但其實呢個優惠openrice都有，唔需要夾波波。 不過有得玩都幾開心。如果酒店可以將啲coupon 換做其他優惠 ，可能更加吸引。
整體嚟講，我哋覺得呢個buffet都唔錯，服務質素非常好，平時比較挑剔嘅奶奶都係咁讚，超過我哋嘅預期。
张贴
