忠誠盆菜館

营业中

休息中

因为有午宴活动，比较左好多间唔同嘅盆菜公司，最后拣咗呢间「忠诚盆菜」嘅到会服务。佢嘅到会服务价钱真系好抵，而且除咗有盆菜之外，仲会提供服务人员（员工）、炉具、枱櫈、餐具、饭菜等等，所以基本上嗌咗佢嘅到会服务，场地上嘅嘢好多都唔需要自己准备，好方便！价钱实惠之外，员工嘅服务态度好好，有交代，唔单止预早左时间set场，帮手预热盆菜同埋清场都好有效率，完全系流程安排之内。开心我哋活动无超时！盆菜方面，足料唔再话下，我钟意佢味道唔会太浓！！之前食过有啲盆菜⋯唔知系咪腌得比较耐？出嚟嘅味道就会好浓，甚至好咸⋯但呢间系味道浓度方便掌握得好好，味道啱啱好，我哋可以送饭食又得，或者就咁食𩠌都得！值得一提嘅系佢嘅大头虾，真系好大只，而且有虾膏，好好味！