影片
更多
2017-09-13
683 浏览
虽然系Groupon买返黎嘅一餐，但系一D都唔平，而且可以选择嘅时间唔多，我地呢日6pm就去到食晚餐。餐厅嘅服务质素一般，坐低会即刻收你$99 service charge。老实讲，真系有D突兀，虽然呢个问题可以归咎于Groupon个系统(而家叫Hoko)唔能够一次过收埋钱嘅问题，但餐厅其实可以book台时及入座时先作提醒，完成整个「服务」后，离座一刻先至收「服务费」比较合理，俾客人嘅感觉亦比较好。当日因为受台风+热带风暴嘅气流沉降影响，所以全港嘅空气污染严重，就算无雨，能见度都极低，烟雾迷漫一片。头盘系生蚝4只，感觉新鲜爽口。第二道头盘系哈蜜瓜配18个月西班牙风干火腿，男朋友赞好好味～蟹肉龙虾浓汤👇牛肝菌黑松露忌廉汤👇我地选择了两种汤各一，龙虾汤比牛肝菌汤好味，不单味道鲜甜，而且十分浓郁，加上汤里面仲有一丝丝蟹肉，口感丰富。黎之前略略研究过openrice，见有唔少人盛赞黑毛猪，于是主菜我地就拣咗黑毛猪。第一啖都几惊喜，肥瘦适中，唔会鞋口，不过再食落去就开始鞋口，可能1)猪肉位置唔同或者2)剩余热力继续over-cook只猪。下图可见切开后嘅肉质👇墨汁意粉👇忌廉味浓郁，香气四溢，👍可
但系一D都唔平，
而且可以选择嘅时间唔多，
我地呢日6pm就去到食晚餐。
餐厅嘅服务质素一般，
坐低会即刻收你$99 service charge。
老实讲，真系有D突兀，
虽然呢个问题可以归咎于Groupon个系统(而家叫Hoko)唔能够一次过收埋钱嘅问题，
但餐厅其实可以book台时及入座时先作提醒，
完成整个「服务」后，
离座一刻先至收「服务费」比较合理，
俾客人嘅感觉亦比较好。
当日因为受台风+热带风暴嘅气流沉降影响，
所以全港嘅空气污染严重，
就算无雨，能见度都极低，
烟雾迷漫一片。
头盘系生蚝4只，
感觉新鲜爽口。
第二道头盘系哈蜜瓜配18个月西班牙风干火腿，
男朋友赞好好味～
蟹肉龙虾浓汤👇
牛肝菌黑松露忌廉汤👇
我地选择了两种汤各一，
龙虾汤比牛肝菌汤好味，
不单味道鲜甜，而且十分浓郁，
加上汤里面仲有一丝丝蟹肉，口感丰富。
黎之前略略研究过openrice，
见有唔少人盛赞黑毛猪，
于是主菜我地就拣咗黑毛猪。
第一啖都几惊喜，肥瘦适中，唔会鞋口，
不过再食落去就开始鞋口，
可能1)猪肉位置唔同
或者2)剩余热力继续over-cook只猪。
下图可见切开后嘅肉质👇
墨汁意粉👇
忌廉味浓郁，香气四溢，👍
可惜墨鱼仔唔够入味，
对比起黎超级淡口，好失败。
忌廉味亦同车厘茄🍅完全唔夹。
最后系甜品加餐茶，
2款甜品我地都系拣咗各一，
分别系白酒啫喱
及意大利奶冻。
餐茶我地就一样拣柠茶。
对于怕甜又嗜酒嘅朋友，我十分推介白酒啫喱！
味道少甜清新，碎啫喱不论味道同口感都够晒特别，
其他地方唔容易揾到！👍👍
意大利奶冻几好味，
忌廉混和奶香浓郁柔滑，水准甚高。👍
食完份量十足嘅头盘加主菜，
已经好饱，好彩甜品份量比较迷你！
其实黎呢度都系情侣/夫妇为主，
所以全餐厅都系2人台，
黎得都系想浪漫一下、欣赏下维港美景，
可惜当天天气不佳，
真系好可惜。
餐厅职员完全唔愿意为我们转台至窗边位置，
话系其他人比我们更早订咗台，
但我们食完到离座都见到有窗边台系一直吉嘅，
系咪想考验我地分辨谎言嘅能力？
我明白我地系Groupon买套餐，
的确比起正价食嘅野理应系次一个级数，
但讲真，即使Groupon买，个价钱都唔平，
我觉得食物质素都算合格（唉，算啦），
但服务质素真系极其一般（唯一优点系成日斟水）。
其实我觉得高级餐厅更加应该做到将心比己，
客人黎得都系想浪漫/特别庆祝，
如果真系有位置吉出，
点解唔比客人开心一下？
最后辅以餐牌供诸位参考👇
张贴
