Number Fifteen (已結業)

今日约左个朋友食生日tea ,即时拣左依间餐厅，因为唔知原来要预约，以为都仲营业中，去到餐厅已经清场，准备想收工！我同朋友都照入去问仲有无下午茶食！个收银女仔即时打电话比厨师，厨师知道有客人都肯番黎为我地服务，之后我地就入去坐底点左两份lunch set ! 成场得我地两个，好似包左场咁，但全程已经劲唔好意思，搞到好似阻住人地收工我地先食头盘沙律，沙律个酱汁好好味，食完再上蘑菇汤，全程都无赶人走既感觉，老板同个收银女仔都一齐service 我地，十分亲切同好有礼貌、仲周时都问下我地好唔好食同倾闲计，完全无介意过我地无booking 就冲上黎！去到main course 我点左份炭烧猪扒，而我朋友点左个带子天使面，味道一流，猪扒一d都唔鞋！喺食紧过程当中，个收银女仔闲聊时知道我系同朋友黎食补祝生日tea，佢讲左比厨师听，食到甜品时，厨师突然送左个surprise 比我地，就系整左个火焰雪山梳乎厘请我地食，当时真系超开心，餐厅所有人都真系好好、好真诚，咁真诚既款待当然要好好品尝！真心⋯个梳乎厘真系超级无敌好食，虽然都饱到上心口，但真系实在太好食喇！我地最后系食哂！最后埋单都系计两个lunc