影片
更多
2016-11-29
635 浏览
第一次帮衬呢间，已经令我好劳气，好耐未试过咁样😡😡 事缘系上星期日lunch time，行过见到呢间新餐厅，打算帮衬下，入到去，入面有几台客，但气氛好静，无乜人讲嘢，感觉好奇怪，好似有D唔对路。不过已经坐低咗，就叫咗2个set lunch。叫完餐后，我老公行咗出去买D嘢，我就一个人坐喺度等佢。然后我就听到有一个类似waiter定经理嘅中年男人问落单嘅waitress 点解写两个餐？个waitress就话其中一个客行咗出去。个男人就几大声好串话＂早讲啦！鬼知佢行开咗咩？＂几无礼貎。我已经开始黑黑地面。(心谂)吓！系咪要同你交代？🙄之后上餐包，我问𠮶中年男人要D牛油，佢话＂乜乜包系唔驶牛油，系就咁食㗎㖞，但你要都得嘅⋯＂因为佢讲得快，听唔清楚乜嘢包，原来佢话薯仔包。我真系唔识，转头佢掉低D牛油(唔系轻轻放低)。不过好戏在后头，呢个中年男人行埋去同个waitress 讲＂个薯仔包唔驶擦牛油，D人都唔识，乜乜乜乜…＂，语气仲好似耻笑咁，声音都几大，连隔离枱D食客都听到(其实全间餐厅都听到) ，我立即火起😡😡😡 驶唔驶咁吖？离谱！！我已经想闹人，但个男人行咗入去里面。我等埋我老公返嚟打算走。
呢
事缘系上星期日lunch time，行过见到呢间新餐厅，打算帮衬下，入到去，入面有几台客，但气氛好静，无乜人讲嘢，感觉好奇怪，好似有D唔对路。
不过已经坐低咗，就叫咗2个set lunch。叫完餐后，我老公行咗出去买D嘢，我就一个人坐喺度等佢。然后我就听到有一个类似waiter定经理嘅中年男人问落单嘅waitress 点解写两个餐？个waitress就话其中一个客行咗出去。个男人就几大声好串话＂早讲啦！鬼知佢行开咗咩？＂几无礼貎。我已经开始黑黑地面。(心谂)吓！系咪要同你交代？🙄
之后上餐包，我问𠮶中年男人要D牛油，佢话＂乜乜包系唔驶牛油，系就咁食㗎㖞，但你要都得嘅⋯＂因为佢讲得快，听唔清楚乜嘢包，原来佢话薯仔包。我真系唔识，转头佢掉低D牛油(唔系轻轻放低)。不过好戏在后头，呢个中年男人行埋去同个waitress 讲＂个薯仔包唔驶擦牛油，D人都唔识，乜乜乜乜…＂，语气仲好似耻笑咁，声音都几大，连隔离枱D食客都听到(其实全间餐厅都听到) ，我立即火起😡😡😡 驶唔驶咁吖？离谱！！我已经想闹人，但个男人行咗入去里面。我等埋我老公返嚟打算走。 呢个时候，见到门口有几个客行入嚟，个waitress 问人有无订位，个客话无，但个waitress 毫无反应，又无安排攞飞等位定系点，个客唔知点好，行咗出去，又行返入嚟，再问无订位可唔可以等位？(其实仲有D吉枱，况且唔系乜嘢高级餐厅，lunch也要订位？隔离台个客人同我对望咗一下，大家都觉得好搞笑啰)😒 到呢一刻，我已经无晒胃口，完全食唔落，一啖都无食到就走。觉得呢间野不知所谓！搞衰香港饮食业，无谂住点样招待客人，就不如唔好搞啦。D客随便俾你话㗎咩？招呼咁差，老细真系请错人倒米(如果𠮶个中年男人就系老细仲死，迟早都关门)。扮高档，说话目中无人，揾鬼食，无下次👎🏻👎🏻👎🏻
张贴