金泰屋

营业中

休息中

话说同老公去食lunch,用咗餐牌半价优惠，眼阔肚窄嘅我，两个人叫咗三样嘢，生菜包（肉碎有雪藏味），小食拼盘（鸡翼几好，鱼饼唔好食，其他还可以），咖哩海鲜农夫包（完全冇咖哩味，不停有蚬壳碎，难食），当然食唔晒，食剩几旧小食同小半个农夫包，谂住攞返屋企俾工人食，费事佢煮，就问佢拎个外卖盒，喺等紧外卖盒之际，有个女人凶神恶杀走出嚟就閙我哋，你哋唔可以攞走，你哋用咗优惠，不能带走，乜你哋唔知咩？间间都系咁㗎啦！我心谂，第二间冇发生过啲咁嘅事，我老公就话，唔想浪费左啲食物姐，食剩唔俾攞走咪唔攞啰！我话有优惠姐，又唔系唔洗钱，你哋个优惠又冇写明食剩不能带走！讲真，食物已经一般，再加咁嘅服务态度，我一世都唔会再帮衬！我系嚟食饭，好似想撩你打交咁，吓死人！