峇峇娘惹 (MOSTown新港城中心(4期)) (已結業)

入去食下午茶，一入去见到有张卡位有人走咗，正想坐落去。点知执枱嘅店员好大声咁话唔好坐落去，我未执枱，唔系啲汤倒晒落你度。真系莫名其妙，坐落去就会将啲嘢倒晒落个客人度？跟住仲好大声咁话你企喺度等。喺𠮶一刻我心谂使唔使咁大声？其实我只系企喺你隔篱，唔使咁大声我都听到你讲乜嘢。当刻佢讲嘢嘅声量，基本上全间餐厅啲人都望过嚟咁际。我只系一个斯斯文文行入嚟见到张枱走咗，正想坐落去嘅客人…虽然呢啲平价嘅餐厅都唔抱期望会服务好好，但系至少可以细细声讲叫客人等等。由于餐厅唔大，所以见到隔离有另一张枱，我哋就坐低等店员执完枱先坐过去。点知等了又等，到最后佢竟然将张枱俾咗其他人。