明明車仔麵專門店 (軒尼詩道) (已搬遷) 新店位置

今晚要过艺术中心睇戏，由于去到湾仔嘅时候已经有啲晏，所以只系能够匆匆食个面。湾仔有好多间面铺，谂住车仔面最快，所以就拣咗呢间....铺头都算干净，好光猛，但系夜晚七点几成间铺头先得小猫三四只。相信香港人都好熟悉车仔面，一坐低我哋已经见到枱面有张纸自己点𩠌，我好心急画完张纸之后已经叫侍应过嚟，叫咗几’唔该‘都冇人理我最后我好大声咁话‘写野呀唔该’，先至有个男人走过来，仲好串咁同我讲话，‘我哋呢度唔写嘢！’。当其时我真系打个突，心谂你呢啲咩态度但由于赶住开场，所以谂住急急食完就算，就同侍应讲话我其实已经写好咗，要人过嚟落order。因为我唔系好肚饿，只系点左三个净𩠌，虾子饼就叫咗个三𩠌面、我哋另外在点左个生菜share嚟食。冇几耐嘢食就嚟，份量唔大，如我所料，呢个我都冇所谓因为香港租金贵。但味道真系超级普通，而且啲菜望落去好唔新鲜，黄黄啡啡咁，我点嘅牛筋上面仲有一条毛最后我哋出去走嘅时候俾钱，职员都系冇乜礼貌，你唔该或者多谢都冇句。湾仔咁多食肆、食面嘅铺头、呡间野咁嘅态度真系祝佢好运。