雲桂香米線專門店

营业中

休息中

服务员态度超级恶劣。首先我哋一家三口表明系3位，跟住其中一位服务员带我哋去坐二人枱，得两张櫈，我哋即刻话，咦，我哋三位㖞，呢度得两张櫈咋噃，跟住个服务员话，系吖，两张櫈嘅就两位坐住先，有枱再转俾你哋啦。然后隔离枱嘅都睇唔过眼，话我哋食完喇，你哋坐呢张枱啦。谂住咁好彩有位喇，费事再周围揾餐厅，就坐低打算叫嘢食。举手示意叫嘢食至少5分钟，举到手都酸埋，都未有人应，明明其间有职员睇到，跟住我就开始出声叫，唔该想落单写嘢，其间都系无人应，再过咗3分钟先有个姐姐行过嚟，粗声粗气问，点吖，食咩吖？我哋就逐一叫，同埋小朋友都唔食得辣，所以叫咗一碗唔辣，同两碗微辣，落单嘅时候又系态度超差，不断催快d快d，好似好忟憎咁，我哋已经唔使两分钟落完3碗嘢同嘢饮嘅单。之后嘢食到喇，我个仔果碗唔辣嘅佢整咗中辣，辣到佢嗌晒救命，之后揾返个落单姐姐过嚟，个落单姐姐仲要话，你哋话要中辣𠺢嘛，我就同佢讲，我个仔唔食得辣，点会叫中辣呢，一直都话要唔辣，佢系咁话系我哋唔啱，然后我同佢讲要换过碗，佢真系聪明到拎咗个碗仔俾我，然后我再同佢讲，呢碗真系太辣喇，我个仔真系食唔到，你可唔可以整过碗清汤嘅俾佢吖？佢又好忟憎咁拎走咗碗嘢，