影片
更多
2012-11-18
9 浏览
今日等紧个fd去朗豪坊睇戏，所以自己周围行下。经过一间食吉列黑豚嘅日本餐厅。咁啱又肚饿，见到本menu啲野食几开胃咁，加上眼见店内客人食得几满足咁，应该几好味，把心一横，试下吧！踏入门口，侍应即刻走出来欢迎我，带我入位，佢们齐声叫道日文嘅，欢迎光临，好宏亮好齐心。估唔到一个人都可以坐到卡位，超舒服！侍应随即俸上一杯茶，顺道介绍墙上面人气榜嘅野食，有少少促销嘅感觉…叫咗个滑蛋吉列黑豚定食同埋一客芝士菠菜卷，落完单，侍应就自顺便为我介绍我身边啲酱汁同眼前点用，解说几详细。顺便提醒我需要等15至20分钟。超细心！依家啱啱转季，所以有啲冻，饮下杯热茶暖下胃，呢间餐厅所选用嘅系麦茶，同一般日本餐厅有少少唔同，几特别…等紧期间可以磨下芝麻，消磨下时间。灯光偏黄，播嘅系日本歌，气氛环境唔错！准备想叫侍应帮手加茶，估唔到俾佢地抢先一步，行埋黎一句唔好意思，面带微笑咁帮我加返茶。可能客人唔算太多，啲食物陆续送到。卖相唔错！磨完嘅芝麻散发出好香芝麻味，啲珍珠米粒粒分明，好晶莹剔透。滑蛋吉列黑豚嘅蛋半生熟，好正！同埋个新出嘅芝士菠菜卷份量适中，炸出来嘅外表金黄色，唔会话好多油沾上，咬落去好松脆，价钱宜中，适
踏入门口，侍应即刻走出来欢迎我，带我入位，佢们齐声叫道日文嘅，欢迎光临，好宏亮好齐心。估唔到一个人都可以坐到卡位，超舒服！侍应随即俸上一杯茶，顺道介绍墙上面人气榜嘅野食，有少少促销嘅感觉…
叫咗个滑蛋吉列黑豚定食同埋一客芝士菠菜卷，落完单，侍应就自顺便为我介绍我身边啲酱汁同眼前点用，解说几详细。顺便提醒我需要等15至20分钟。超细心！
依家啱啱转季，所以有啲冻，饮下杯热茶暖下胃，呢间餐厅所选用嘅系麦茶，同一般日本餐厅有少少唔同，几特别…
等紧期间可以磨下芝麻，消磨下时间。灯光偏黄，播嘅系日本歌，气氛环境唔错！准备想叫侍应帮手加茶，估唔到俾佢地抢先一步，行埋黎一句唔好意思，面带微笑咁帮我加返茶。
可能客人唔算太多，啲食物陆续送到。卖相唔错！磨完嘅芝麻散发出好香芝麻味，啲珍珠米粒粒分明，好晶莹剔透。
滑蛋吉列黑豚嘅蛋半生熟，好正！同埋个新出嘅芝士菠菜卷份量适中，炸出来嘅外表金黄色，唔会话好多油沾上，咬落去好松脆，价钱宜中，适合一个人份量。
侍应都好积极帮我收野，同埋主动行过来问我使唔使加椰菜丝，真系体贴！
翻开隔离放住嘅tan卡座睇下，见佢地原来系盛八集团嘅，之后有侍应主动走来为我介绍一下个VIP优惠，生日月份提前一日黎订枱仲可以送个生日甜品，正！觉得几吸引之下就申请做会员，服务态度咁好，一定会再黎帮衬！之后仲见到facebook打卡可以送返粒雪米糍，食完饭仲有饭后甜品，真系抵食！
呢间餐厅完部食物虽然系炸，但又唔会话好油腻，价钱份量又适中，唔惊浪费食物。原来每人叫一个定食可以无限加饭加菜，劲抵！我见佢话星期一至四下午茶时段四个人来食野会有八八折，下次一定会同fd再来擦餐劲！
题外话/补充资料：
侍应几后生，做野好迅速！！
(以上食记乃用户个人意见 , 并不代表OpenRice之观点。)
张贴