Diff. Cafe (已結業)

一向钟意帮衬小店，今晚赶住睇戏，见店内冇人，18：45就啦啦声入去食小小野就走人。一入门口要扫『出行』已成了习惯，但我地望来望去揾唔到QR code，个店员唔出声，只系指一指大门下角位置就算，我地要弯底身扫个QR code, 点知扫极都扫唔到，我地就坐底填纸仔。叫完餐想做少少野先，拎部notebook出嚟，问佢有冇wifi, 佢只系比左张人地嘅单我，咩都冇讲，原来wifi password, 系张单底部，我忍妳，只系想快快手手食完即走。讲番食物方面，见到个Dinner menu 其实一D 都唔贵，晚餐有汤送，而且又唔加一，晚餐真系算低食架。我地叫左两个意粉及一杯Cappuccino。1.烟肉牛油果意粉，不过不失2.带子明太子意粉，味道刚好，带子就细粒左少少，不过好多明太子。3.Cappuccino 一般啦，如果佢专门就coffee shop, 咁杯咖啡就失败左少少，唔均匀。总结：逗留时间35分钟，食物OK, 环境一般，小店预左迫，服务态度差到一个点，唔会再帮衬。