Pokka Cafe (已結業)

今晚我们去咗铜锣湾名店坊嘅「Le Grand Pokka Cafe」食晚饭！我们叫咗鲜磨菇汤、烤澳洲战芹牛扒同铁板烧猪手！鲜磨菇汤嘅味道相当香滑浓郁，加埋粒粒鲜甜嫩滑嘅磨菇，令到口感更加丰富！烤澳洲战芹牛扒嘅份量系超重量级，卖相非常吸引，将牛扒放喺热石上面，喜欢食几成熟可以自己控制，牛扒嘅肉质超级松软嫩滑，肉味极之浓郁，而且非常厚身，口感相当丰富！喺食嘅途中店员会好有礼咁不断帮我们更换新嘅热石，可以一直保持住牛扒新鲜热辣！真系超正呀！铁板烧猪手非常大只，肉质相当松软，猪皮嘅质感极之烟韧弹牙，骨胶原好丰富，而且唔会有好油腻嘅感觉！鲜果特饮：全部都系用新鲜果肉打碎，唔系非一般𠮶啲用糖浆开出嚟嘅，绝对系真材实料！小妹就比较喜欢青苹果芦荟冰果汁嘅清甜！妈咪就比较喜欢士多啤梨芦荟冰果汁嘅香甜！而爹哋就比较喜欢鲜蓝莓芦荟冰果汁嘅浓郁！甜品：我们叫咗几款唔同嘅芝士蛋糕，而朱古力Tiramisu芝士卷嘅卖相就最精致吸引，金箔花纹好高雅，口感好香滑松软！另外！值得一赞嘅系当时嘅天气好热，男店长好有礼貌咁同人客讲话，外面好热，不如入嚟店内等，而且对每一台人客嘅服务态度都非常亲切有礼！