李家 (埃華街)

营业中

休息中

早两个月前就见到呢度开咗间新嘅韩式炸鸡餐厅，今日终于可以堂食去到10点，我就立刻约班朋友收工过嚟试吓！呢度虽然睇落去细细间，但系坐落去又几舒服㖞！店入面仲会播放韩国嘅MTV，音乐唔会太大声唔怕阻住倾偈，冷气温度又舒适！我哋成班人好似发现新大陆咁，望住个Menu系咁问个服务员呢样果样，好似十万个为什么咁！个服务员都仲可以好有礼貌好友善咁解答晒我哋所有问题，而且仲会按照我哋各人口味而介绍返适合我哋嘅嘢食，送餐过嚟嘅时候又会温馨提示我哋小心食热，又会问我哋需唔需要手套去食炸鸡，仲会送湿纸巾俾我哋抹手添，今时今日咁嘅服务态度真系冇得输！而且食物嘅份量又够晒多，样样都好好食真系估佢唔到！可惜佢太多野食选择，花多眼乱，睇嚟要去多次先可以试齐晒佢啲野食啦！