影片
更多
2022-05-24
353 浏览
由坐低到成功落单需时20分钟？扫完code坐低员工冇行过埋嚟落单，叫系收银机前面入紧单既𠮶位姨姨帮我落单，佢叫我等佢落埋张单先，一等等左十五分钟。之后呢位姨姨系废纸桶到拎张旧单过黎帮我落单手写。写第二个字就停左，要拎餐牌望住写？好喇经历完一轮重重复复话比呢位啊姨知我要食乜，佢终于写好拎入厨房，然后话一阵间再帮我入机。 过左一阵，个姨姨又话唔见左张手写单，佢又行左入厨房，出嚟之后又冇话同我写过又返左收银机，出声问先知佢又要再手写过然后另外一个员工行过嚟问有咩帮到我，我同呢位姨姨讲你同事帮我得喇唔该你。结果帮我既呢位员工拎左部落单既电话黎，我讲左一次食乜，用时不到一分钟就完成左。 足足二十分钟！然后再等十分钟，我叫既野食终于到。但又错左，我叫鱼腐佢比鲮鱼滑我，我又揾返啊姨姨问，因为佢哋系标明自家制鱼腐，我又未食过，所以我问下佢哋系咁佢哋啲鱼腐就系鲮鱼滑咁，因为餐牌上又的的确确有鲮鱼滑拣。结果啊姨姨话「我唔知㖞，我又未食过，佢净系知啲鲮鱼滑系扁既。鱼腐系三角形既。」咁我真系唔知我碗入面呢旧咩黎。我咬左一啖，哇，系鲮鱼滑黎。都算喇，都九点四十五分，唔想同佢嘈，已经得十五分钟食嘢。过左几分钟，呢
扫完code坐低员工冇行过埋嚟落单，叫系收银机前面入紧单既𠮶位姨姨帮我落单，佢叫我等佢落埋张单先，一等等左十五分钟。之后呢位姨姨系废纸桶到拎张旧单过黎帮我落单手写。写第二个字就停左，要拎餐牌望住写？好喇经历完一轮重重复复话比呢位啊姨知我要食乜，佢终于写好拎入厨房，然后话一阵间再帮我入机。
过左一阵，个姨姨又话唔见左张手写单，佢又行左入厨房，出嚟之后又冇话同我写过又返左收银机，出声问先知佢又要再手写过
然后另外一个员工行过嚟问有咩帮到我，我同呢位姨姨讲你同事帮我得喇唔该你。结果帮我既呢位员工拎左部落单既电话黎，我讲左一次食乜，用时不到一分钟就完成左。 足足二十分钟！
然后再等十分钟，我叫既野食终于到。但又错左，我叫鱼腐佢比鲮鱼滑我，我又揾返啊姨姨问，因为佢哋系标明自家制鱼腐，我又未食过，所以我问下佢哋系咁佢哋啲鱼腐就系鲮鱼滑咁，因为餐牌上又的的确确有鲮鱼滑拣。结果啊姨姨话「我唔知㖞，我又未食过，佢净系知啲鲮鱼滑系扁既。鱼腐系三角形既。」咁我真系唔知我碗入面呢旧咩黎。我咬左一啖，哇，系鲮鱼滑黎。都算喇，都九点四十五分，唔想同佢嘈，已经得十五分钟食嘢。
过左几分钟，呢位姨姨又行返黎讲左句「如果唔系厨房洗左炉我就换过两旧比你」
总结就系 态度极差 等待时间极长 员工连自己餐厅啲食物都分唔清楚 错左唔认 一句唔好意思都冇
食物味道真系唔差 但服务态度真系麻麻
极度不推介
张贴
