西偲名屋 (已結業)

星期日行完盐田梓就打算系西贡揾间Cafe食下野。我地叫左2个鸡扒饭，1个纽西兰牛牛旦饭，同3杯野饮。野饮唔错，特别系「我的前度咖啡」，味道很特别。食物质素方面，鸡扒都煎得几好，但其中一个饭d饭系生生地，但算食到既。而最差既系牛牛饭，2块牛系好干既...，蛋糕，可能因为雪得耐，好硬... 真系好差特别需要改善既系服务质素... 话说牛牛旦饭系一个套餐，跟埋烧牛肉青瓜... 我地食完主食，男友去拎蛋糕时已经同店员讲青瓜未到，店员话整紧。到食完蛋糕，青瓜仍未到，我地又再追多次单，店员都系话跟紧。第3次再追佢话5分钟后到。最后... 佢送左碟牛牛意粉，我地话我地只系差个烧牛肉青瓜，店员话我地讲得唔清楚...再等多几分钟，店员再送餐，送左烟三文鱼青瓜... 好无奈 因为等左好耐，所以食左就走人。我觉得漏单唔紧要，但唔好hea人，服务质素真系要改下... 呢间下次不了。