金沙日西料理 (已結業)

寻晚一行四人到此食晚餐，以每人花了100蚊左右的价钱，食物方面一般，唯其服务态度却令人不快。首先，侍应在客人面前嬉戏(互打patpat)已令人侧目。问个侍应有关menu的事，如一客金菇牛肉卷有几多旧，完全发紧梦，乜都话唔知。冇错，之前有食评人赞呢间野经常有侍应加水，但我想讲，我o个有四个杯，佢only加一杯水...(但当时我已拎埋其他杯俾佢...但佢视若无睹...)还有，埋单时，埋左十世都冇人理，叫多佢地两次，得到的回覆是：「得喇，埋单丫嘛！」，还有「31号又埋单喇！」汗晒，敢问「丫嘛」「又埋单喇」，是一个侍应对客人应有的态度吗？所以，在沙田有咁多间选择，呢间价钱唔系平，服务态度更加冇谓提，我实在谂唔到有乜野理由会再去帮衬!!!