Amber’s Table (已搬遷) 新店位置

旧同学介绍呢间餐厅，刚巧约朋友食饭，就过嚟试试!纵使被推荐必食猪手，亦亲眼见到邻座的份量十足，由于喺公司食了tea，所以唔饿，今晚就叫轻量啲啦!我叫了意大利杂菜汤及软壳蟹黑松露忌廉汁意粉。真系唔饿，不过呢度嘅面包摆到面前，又多款(3款每款2件)又实在太好味，汤未嚟已忍唔住食晒!搅到更加食唔落其他!朋友叫了羊架。食物(由于没有试食朋友嘅，只能分享自己的感受):面包够多款式，够松软!汤足料，够香，又唔太，毕竟杂菜汤就系咁!意粉够弹牙，厨师亦唔孤寒落黑松露，令意粉充满黑松露味道，齿甲留香!环境:餐厅用餐位置呈L型，近水吧位置座位较入内濶落，里面枱与枱距离比较近。服务:超好，估唔到一间餐厅有咁好服务! 事缘: 我哋对黄埔唔熟路，因为订了位唔想迟，又唔识睇地图，于是打去问地址。听电话𠮶位店员好细心咁指引我，但路痴嘅我都系揾唔到，于是店员主动叫我喺当时位置,佢嚟带我哋去。呢种服务态度，真心难得一遇!呢位店员喺店内对所有客人都一样热诚，超赞!