PizzaExpress (奧海城三期)

营业中

休息中

以前好中意去Pizza Express，中意佢family friendly 食物又唔错，今次圣诞去，觉得食物种类少，味道亦普通咗。另外呢间分店服务真系唔太得，首先以前系会一支水比你饮，今次唔注册member 就无一支水，要问先比半杯tap water，其实价钱都唔平，可以大方少少吖。有位侍应仲全程黑面，比钱时我有欠佢钱嘅感觉，可能圣诞要返工真系好唔开心啦😅😅其实呢间分店装修几好又坐得舒服，以前都好多人排，但今次感受真系唔太好😓当日食过嘅一啲食物： Margherita pizza - 饼底普通，唔觉得有意大利薄饼应有嘅香脆 焗蘑菇 - 正正常常一客焗蘑菇，得几只，屋企自己都焗到。记得以前另一间叫过系用焗盘上，今次只系普通餐碟，感觉 mediocre其实食物无乜大问题，系 expected 嘅水平，不过不失，主要系服务问题。只系网站要求，都要评论一下。