J.S. FOODIES (港威商場)

营业中

休息中

收工行完街黎既，一个人食，夜晚6点45分，立即有位。座位有三款：卡位、高枱、面墙。店员有问想坐边。位置喺Citisuper/ Log on落一层，2楼近海，近中港城个边入口。无大声音乐、周围舖头唔嘈。去到7点半都唔full，平日可以静静地食饭。「黑松露忌廉意粉」$145x1.1- 超多菇，唔知喺厨房切左几多粒- 拼盘特别，卖相吸引。- 睇落细碟，但够晒饱- 意粉软硬煮得啱啱好- 唔系最好食既黑松露忌廉意粉，但都有4/5。「菊花苹果蜜糖」$38x1.1- 类似咁既名- 好甜，好甜。自己加左水开黎饮。后黎店员问要唔要加D热水，话呢个饮品可以添热水，先知原来系suppose开稀饮。舖头一旦再忙D就唔会得闲加到水，建议一开始就开稀放入个大杯度，或者上多壶热水等客人自己搞。- 但个味系夹既，3/5服务十分抵赞。女店员见到我攞自己temple sip喺领口，主动比多张大餐纸。另一枱客户跌左件食物，店员好快发现，offer比返件佢，完全唔系餐厅责任，但店员会咁样主动行多步，非常抵赞，喺香港好难得。添水添得快，但可能客人唔太多，店员都几经常行黎行去，介意既可以问下可唔可以拣面墙位自闭。