影片
更多
2019-06-03
796 浏览
金船长接任人，鬼佬睇场的IL CIBO铺面，系8成5同金船长一样台凳无变，铺左纸台布系感觉好D但冇cover到台角，搞到揩到台角其实仲有d痴立立餐牌方面，冇图可以话赌博一样虽然有图都可能伏不过价钱尚算可接受甚至比金船长好似仲抵dd?侍应用英文所以我地都冇尝试用广东话落单叫左一个set烟三文鱼沙律，西冷扒散叫冻盘，意式馄饨，海鲜pizza三个人share食餐包系似蛋糕咁，texture麻麻地，有少少soggy再点埋醋同橄榄油，整体不太好食沙律同冷盘都好快上菜，约5-8分钟就有得食沙律普通货色啦，冷盘虽然有轻微对唔住价钱(ard100蚊)但整体黎讲除左只碟唔系好够风味，都叫可接受主菜打头阵既系馄饨，卖相我觉得几好都算新鲜挺身唔会太一pat野，馅料系似菠菜碎+芝士粉+薯蓉咁，唔太记得点写，味道可以但偏咸，但完全缺乏松露味(拣左松露菇汁)跟住上既系pizza，稳阵冇伏，薄批，脆边，芝士味重，海鲜料就尚可，量唔多但冇雪味，收货。牛扒最迟上，几惊佢overdone但好彩系冇既，叫左mid-rare黎既都系mid-rare而且扒面煎得相当靓，条边既油同筋膜有煎过但可以再煎多少少。略为失望既系佢冇落粗
铺面，系8成5同金船长一样
台凳无变，铺左纸台布系感觉好D
但冇cover到台角，搞到揩到台角其实仲有d痴立立
餐牌方面，冇图可以话赌博一样
虽然有图都可能伏
不过价钱尚算可接受
甚至比金船长好似仲抵dd?
侍应用英文所以我地都冇尝试用广东话落单
叫左一个set烟三文鱼沙律，西冷扒
散叫冻盘，意式馄饨，海鲜pizza
三个人share食
餐包系似蛋糕咁，texture麻麻地，有少少soggy
再点埋醋同橄榄油，整体不太好食
沙律同冷盘都好快上菜，约5-8分钟就有得食
沙律普通货色啦，冷盘虽然有轻微对唔住价钱(ard100蚊)
但整体黎讲除左只碟唔系好够风味，都叫可接受
主菜打头阵既系馄饨，卖相我觉得几好
都算新鲜挺身唔会太一pat野，馅料系似菠菜碎+芝士粉+薯蓉咁，唔太记得点写，味道可以但偏咸，但完全缺乏松露味(拣左松露菇汁)
跟住上既系pizza，稳阵冇伏，薄批，脆边，芝士味重，海鲜料就尚可，量唔多但冇雪味，收货。
牛扒最迟上，几惊佢overdone但好彩系冇既，叫左mid-rare黎既都系mid-rare而且扒面煎得相当靓，条边既油同筋膜有煎过但可以再煎多少少。略为失望既系佢冇落粗盐煎块扒，亦好少好少黑椒味，可能预我地淋汁食。虽然英国食Jamie's Italian都系咁(系咪意式牛扒特色？) ，但问佢佢可以俾手磨已盐胡椒你。呢间就只有一支手磨胡椒，佢磨完就会拎走，而盐只有下价餐桌盐。碟系冇预热再放扒，不过冷气唔算太冻而且200蚊套餐价，可以接受冇做呢一点。肉质未到细嫩，系有D缺乏油脂既，煎果阵都冇落牛油所以食落都系比较廉价少少。冇记错佢系澳洲牛黎，唔太识个分级，但对换返美国牛个Grade食落都有US Choice级数既，未算最曳。
食完上甜品，其实原本只有一个餐，理应得一个甜品(蛋糕+雪糕) 但佢俾左3个我地。可能见我地叫其他野既量同金额都交到差挂。蛋糕基本上同餐前面包好似，系甜d多左d提子干咁。雪糕就几好，有少少糯糯地唔系维记果d货色。然后再上一个Panna Cotta系呢度订座两位就会送一份。奶冻做得几好，唔太意碎但又唔会好结实，偏向有黏性。莓酱系热既，所以会同奶冻有少少融和左，几好唔错。
总结
顶让返黎所以家俱同墙同水吧都似金船长，其实无所谓不过如果佢抹好少少，唔会黏黏地会舒服d吧。值得赞既系灯光改善左好多，食物影出黎唔会好似恐怖餐厅咁。
服务方面都几好，因为食完头盘收一次餐具，食完主菜又收一次，街坊地段，中价，做到标准西餐服务，算系咁啦。食完都有循例问下D野O唔OK，咁我都循例落左佢Ravioli太咸，可惜我地自己都唔记得叫左松露味...所以完全忘记同返佢讲。
卖相方面，除左冷盘Hea底左少少，其他都算唔错啦，值得赞既系佢每样野上菜都抹到只碟冇多余且影响观感既酱汁同污垢，虽然见到少少抹布痕但算系有花心思。
味道方面其实可以接受，金船长系食过唔会想返兜，但呢间虽然同台人士都觉得唔特别想再食，但我自己就觉得可以再去的。
张贴
