爭鮮迴轉壽司 (鴻威大廈)

营业中

休息中

一心念住食少少熟寿司同叹返件芝士蛋糕，由于用餐时间有限制，只有30分钟，所以一入座已𥄫实输送带上有冇芝士蛋糕，望左10分钟都唔见，就同侍应order，等左10分钟仲未上芝士蛋糕，所以追单，侍应话师傅整紧，我唯有再耐心等待下😔，等到离座时间已到，侍应想赶我走嘅时候，佢先醒起仲欠我一件蛋糕未上，前后我追左4次单，足足等左半个钟，都未见件蛋糕😡，如果冇货或整唔切，大不了我咪食其他嘢啰，但问亲都话整紧...黎紧...等等...等多阵...😡😡之后竟然俾我发现输送带上层，有件芝士蛋糕放左喺广告牌上面，可惜当我发现嘅时候件蛋糕已离开左我嘅范围，隔离左右又坐满人，我即刻想找侍应帮忙啦，远远企喺厨房送餐窗口嘅师傅，伸个头出黎大声叫我呢个大肚婆起身追住条输送带攞蛋糕，请问呢d系咩服务态度😡😡😡(留意返丫，呢间餐厅系有收服务费㗎，况且都唔应该叫个客追住条输送带啰，呢d系食物，唔系骨头呀，当客人系🐶咩！)坐我旁边的哥哥仔都睇唔过眼，见我等左咁耐，出手跨过4条输送带到对面帮我攞。