世華餐廳 (已結業)

呢度好耐冇黎过喇~以前0系尖咀做野时都黎过几次，始终唔系咁就脚嘛~其实本来谂住行去海港城先食，但行行下落雨冇带遮，见斜对面就系世华，心谂不如重游一下故地啦~今次一上楼梯，就已经有位男士好有礼貌咁打招呼、带位，我见当时已经过左5点半，就问下「仲有冇下午茶呢?」，佢答「有」，跟住从号码夹度抽出餐牌揭到下午茶0个版俾我睇，「你睇睇有咩0岩食」，然后又好快咁俾左杯清水&餐具(匙更、叉)上台。我见下午茶餐原来供应到6点半，之后约左人9点几先再食野，都系食多d野暖肚好d，叫左干炒牛河，有野饮奉送，我叫左热奶茶。我见餐牌有d新推介，记得有只咩苹果猪扒套餐，一向觉得生果唔系几0岩熟食0既我就当然唔会捧场啦等野食期间，我就周围望下，发觉呢度装修过，睇落去好新同光猛，冇以前咁阴暗，又多左几部电视，播紧now TV节目，感觉舒服左~奶茶黎先，虽然天气凉左好多，但都够热，落咖啡糖都好快溶，茶同奶都够味，色水都0岩丫~个炒河都等左超过15分钟先黎，之但系又唔系0岩0岩炒完上碟热辣辣，d河粉都几碎，我即刻举手要筷子，又系0个位男士，佢双手端左一对好似酒楼用纸套包好0既筷子俾我，见到佢呢个殷勤模样，我0个刻差d想笑