影片
更多
2008-10-10
4 浏览
见咁多人赞, 一心o黎"朝圣"。 放工一个人上去, 居然唔驶等位, lucky。但一位女侍应招呼完我坐低睇menu之后, 就不了了之。骤眼见到有个男侍应放低d o野, 以为佢放低清水之类, 无多留意, 叫住佢落单先。拣o左个叉烧拉面。跟住一路睇书无留意台面。面o黎o左, 一睇... 咦? 水就无o勒, 得前菜两碟。即时间门侍应啦, 佢话系compulsory o既。 好多日式食肆都系咁, ok, 但系可唔可以讲声先...同埋, 点解系两碟, 我一个人之嘛。同个侍应讲返, 可能另一个senior o既侍应见到, 之后我隐约听到佢o地两个有少少微言。 o下? 日式食肆㖞, 咁o既态度? 系讲都走去我见唔到o既地方丫。之后再向侍应要杯茶先至有d o野湿o下个口。明明其他日本客一坐低已经有杯水, 我要搞一轮先有呢? 咁样折腾一番之后, 都几影响心情。开始食面, 第一啖o既感觉系: "呢个质素都有咁多人赞??" 唔系差, 不过唔算出色。面真系唔算弹牙爽口㖞, 同区我prefer 888 多d。猪骨汤底同传闻中一样偏咸, 叉烧就做得几好, 半肥瘦, 几软滑。叫碗$65 o既面, 最后$82.5埋单
但一位女侍应招呼完我坐低睇menu之后, 就不了了之。
骤眼见到有个男侍应放低d o野, 以为佢放低清水之类, 无多留意, 叫住佢落单先。拣o左个叉烧拉面。
跟住一路睇书无留意台面。面o黎o左, 一睇... 咦? 水就无o勒, 得前菜两碟。即时间门侍应啦, 佢话系compulsory o既。 好多日式食肆都系咁, ok, 但系可唔可以讲声先...
同埋, 点解系两碟, 我一个人之嘛。同个侍应讲返, 可能另一个senior o既侍应见到, 之后我隐约听到佢o地两个有少少微言。 o下? 日式食肆㖞, 咁o既态度? 系讲都走去我见唔到o既地方丫。
之后再向侍应要杯茶先至有d o野湿o下个口。明明其他日本客一坐低已经有杯水, 我要搞一轮先有呢?
咁样折腾一番之后, 都几影响心情。
开始食面, 第一啖o既感觉系: "呢个质素都有咁多人赞??" 唔系差, 不过唔算出色。面真系唔算弹牙爽口㖞, 同区我prefer 888 多d。猪骨汤底同传闻中一样偏咸, 叉烧就做得几好, 半肥瘦, 几软滑。
叫碗$65 o既面, 最后$82.5埋单, 系有少少觉得唔抵啰。
今次唔系食o左好多o野, 会俾多次机会, 下次多d人o黎试埋其他o野。如果都系咁....梗系以后唔o黎啦~
张贴