木子甜品 (已結業)

星期日晚上8點幾黎到, 一行多人叫左唔同款既糖水, 簡單介紹下其中幾款。雞蛋布甸($17), 本身覺得價錢略高, 不過隻蛋可以帶走番去整啫喱既, 不過布甸味道麻麻, 無乜雞蛋味, 質地又太實, 所以唔推介。西瓜仙草, 一如既往, 份量大碗, 同埋好抵食, 只係$21, 仙草夠凍, 味道好, 想叫多一碗已經話仙草售罄, 但當時只係9點鐘.....芋圓海底椰仙草($31), 算係MENU上比較貴既糖水, 不過海底椰夠淋, 芋圓夠Q, 呢個組合相當不錯不過想提一提, 當晚未夠9點, 好多樣野已經售罄, 但店員每次都隔左一段時間/直至我地催單先告知賣晒, 希望可以改善一下呢一點