喇沙大少 (已結業)

想为屋企添置一啲家品，于是同老公揸车去九龙湾 ikea 度行下。行到晚餐时间，就去揾嘢食医下肚。经过「喇沙大少」见到都几多人等位，于是即刻行埋去攞位，但竟然又好快入得。入到去服务方面就认真麻麻，眼见成间餐厅只有4个侍应，落 order 要叫几次，要杯水都要等成5分钟。 贡丸、大虾、豆卜喇沙 $60面底系米粉加油面，贡丸味道似系四海出品，大虾大只弹牙。汤底一啲都唔辣，同预期差好远。鸡丝喇沙 $68 面底同样系米粉加油面，有鸡丝、大虾、豆卜。鸡丝味道正常，大虾大只弹牙。汤底一啲都唔辣，失望。马来特色手拉咖啡 $28甜味偏淡，连咖啡味都好淡。到最后想埋单，已经预咗成15分钟去拎车，点知嗌咗几次，先有侍应有反应，之后仲要等多成10分钟，先至拎到张单嚟。最后搞到泊车时间都过埋，又要俾多一个钟头停车场。