南北小廚 (已結業)

同朋友一行 6 人嚟晚餐，朋友早一晚订台佢哋话无得订，我 6:30 前到问我有无订位，我话你哋话无得订，佢话唔系无得订，系满咗，咁我嬲嬲地就话你哋系满咗就话比人知，唔系话无得订，咁我哋可以去第二间订位，跟住佢哋又张两张方台泊埋比我，咁即系有位啦…坐底第一件事梗系留只鸡啦，$71 一只唔系唔留呀 😅😅 只鸡好滑好好味，竟然比我哋清碟。个酸辣汤就唔掂啦，唔酸唔辣咁，问佢攞支醋，点知饮晒都未到。酸菜鱼有惊喜，啲汤仲好饮过酸辣汤，我饮咗 3 碗仔呀 😆😋素鸭入面无料，寡咗啲，豆腐就又比到惊喜我哋。另外香橙骨同梅菜蒸茄子系套餐，仲要漏咗单，味道一般。6个人埋单 $470，总括嚟讲朋友都满意嘅，仲话下次嚟食多次。