名苑酒家 (已結業)

一直以来我都钟意去名苑饮茶,因为点心好味,坐得又舒服,所以今次带屋企人一齐去佐敦食,顺便可以去尖沙咀行街!这间分店虽然好近佐敦地铁站,但酒楼好细,只可以放几张枱,灯光调教得较黄,令人昏昏欲睡,可能因为唔多枱的关系,所以唔算太嘈炒!本来谂住可以尽情选择点心,点知发现这里的点心纸与其他分店有分别,没有图文并茂都算,居然少左好多点心款式,大部分的点心都比其他分店贵和小左一件,我们只好不情愿下点左个饭和炒面,再加3款点心!我们在等的过程中,想揾人加水揾左好耐都冇人理,员工少到根本唔得闲理你,我们本来想自己加,但又唔知d水放系边,结果都系不停咁重复叫佢地加水,成餐饭都唔知叫左几多次叫人加水!<银芽肉丝香煎面> 酒楼的炒面镬气足,可以将面炸得超香脆,面上淋上芡汁再放上肉丝和银芽味道不错,再点少少喼汁,酸酸地的感觉令人好开胃!<窝烧鲍鱼鸡粒饭> 窝烧的热力很劲,传出一阵㶶味,饭太过干身,食起来好硬,鲍鱼鸡粒唔多,仲有d咸,又浓又硬又咸,真系麻麻地!<嫲嫲川味滑饺子> 饺子皮薄馅多,落左d辣椒油所以有d辣,饺子上洒满葱,食起来味道不错!<小娇白玉