影片
更多
2023-06-30
724 浏览
今次系你食午餐，由订位开始，因为餐厅系可以改期一次，改期时，职员通知只可以改期一次，否则就会没收订金，呢个我一早已经知，但系职员再次讲呢句说话嘅时候态度可以再友善一些。到用餐日期，去到reception，带位姐姐带到去餐厅嘅梳化位置，由于腰部唔舒服，所以要求坐同一张枱嘅座椅位置，座椅比较重，我请职员帮我拉一拉张凳，带位姐姐面露不悦神色，亦不大愿意帮我拉凳。坐低之后，我见到我张凳附近就有一张矮细嘅椅子系俾人哋放袋嘅，我就请职员帮我拉近𠮶张矮椅子俾我放袋，但系职员就叫我放喺梳化𠮶度，我话我腰唔舒服，我想近啲放个袋在我隔离，但他表示有其他客人会行去你张枱𠮶度㗎，咁你就会阻住其他客人㗎，而家我将你张凳再拉埋啲，但事实系我同另一张枱相距都有一段距离，其他客人点解会无端端行去我张枱呢？之后就开始点餐，由于我唔食黑椒，我见到有一个鳕鱼有黑椒汁，我就问职员可唔可以有其他汁，佢就一口话冇，我又见到剩系得一款青豆汤，我问有冇其他汤，佢都系有一口话冇，但系后来我听到另一张枱话唔想饮青豆汤，佢就话问吓问吓可唔可以转其他汤俾佢。之后我就问佢可唔可以俾杯水，佢就好唔友善咁话我哋冇普通水架㖞，我哋净系得$88杯嘅有
之后就开始点餐，由于我唔食黑椒，我见到有一个鳕鱼有黑椒汁，我就问职员可唔可以有其他汁，佢就一口话冇，我又见到剩系得一款青豆汤，我问有冇其他汤，佢都系有一口话冇，但系后来我听到另一张枱话唔想饮青豆汤，佢就话问吓问吓可唔可以转其他汤俾佢。之后我就问佢可唔可以俾杯水，佢就好唔友善咁话我哋冇普通水架㖞，我哋净系得$88杯嘅有汽水呀、冇汽水呀、矿泉水，$88 杯都系一杯水啫，唔需要咁嘅态度挂，最后我都叫要咗杯$88嘅水。以前最出名嘅面包篮，而家得返几款面包，而且啲面包系冻嘅，真系无言以对。第一道菜嚟咗一个蕃茄汤，基本发挥啦，面头放左啲好冻嘅芝士，就非常之稣，令到碗汤味道唔系咁好。跟住系鱼子酱，味道OK。再之后青豆汤，都正常味道，里面有啲一粒粒嘅青豆都几爽口。跟住就系一个黑鳕鱼，表面煎到黑蚊蚊，汁同鱼真系好唔配合，呢个就真系麻麻哋。叫甜品𠮶阵时仲劳气，因为啲甜品款式都唔出色，一系就系朱古力，一系就系好酸嘅雪巴，最尾𠮶个系士多啤梨，我记得我上一次嚟食都系士多啤梨，咁我就轻轻自己讲咗句我呢个上次食过啦，个职员就竟然好串咁话冇可能，呢个系新架㖞，好似质疑我喺度讲大话咁嘅语气，咁上次又系士多啤梨今次又系士多啤梨，我点会记得你个名呀，咁你最多好客气咁话上次𠮶个可能系日本士多啤梨，同今次唔同㗎，需要咁串咁讲呀吗。跟住个甜品嚟到，佢讲到话好好食，啲士多啤梨好酸，雪巴又酸，士多啤梨下面d cream完全都冇味, 得个甜字, 下边有啲好窿嘅开心果仁, 总之一d 都吾好食。以前喺呢边食过一次，隔离 bar table 过几次, 都从来冇试过咁差, waiter 好似冇受过训练咁，食物质素每况愈下，真系怀疑自己系咪去紧一间三星餐厅，1 星 Tosca service 好好多。唯一系橄榄油好过 Tosca。
张贴