屋子生活 (已結業)

第一次写食评，都要写下呢间好似好多人推荐既cafe。当日起身稳野食，拣左附近呢间cafe，第一次试，感觉铺头几大，环境尚算ok~同老婆坐近门口位，睇menu拣左一份鳗鱼丼同咖喱炸虾丼，感觉无乜太突出，同埋价钱略贵，Cp值唔高，好似要加多$45蚊先可以拣其他咖啡/饮品~不过心谂呢间餐厅可能系出名甜品蛋糕，所以差唔多食完，叫左一份朱古力梳乎厘，佢系即叫即整，大概等左20-25分钟，见个waitress送黎，满心欢喜，佢同我讲唔好意思，我order个梳乎厘同隔离台调换左，而隔离系叫培茶味，我即刻燥燥地，有乜可能你做餐饮业，放低食物前唔系应该要同食客double confirm咩？ 而我同老婆对于培茶味真系不大兴趣，所以唯有再等多20-25分钟再整，而等待期间铺头门口有一大班小朋友o系度喧闹，所以成个感觉好差😤真心希望呢间餐厅可以提升下店员服务质素，因为食主餐时，隔离台已经投诉送错饮品之类😓好彩佢最后个朱古力梳乎厘系几好食，先叫做心情好翻少少整体而言，个人觉得正餐可以唔洗去，食蛋糕甜品饮咖啡可以一试既