瑞士咖啡室 (已結業)

写食评前稍稍望过其他食评，见到评价都麻麻。唔知系已经换左一批人，定还是真有改善，我去食既时候体验到既系亲切又惊喜既服务质素，同以往既大相迳庭。侍应由我入门口一刻开始已经好好招呼，落order一叫即到，上菜果时仲会叫你小心热，慢慢食。非常亲切。而食物方面，最令人惊讶既系食物既份量。我叫左一个伤风感冒餐，内容系一碗蕃茄通同一杯热菊花姜蜜。未见食物之前，以为系一个改得懒系亲切既普通常餐，上到黎先发现根本系二人份量既常餐，茄通份量大得可怕，足足有2个头咁大，而且配份量都非常足，有火腿，杂豆同罗宋汤配料，即使只食一碗根本都食唔晒。味道方面就偏浓，而且带点黑椒辛辣味。健康的人当然顶得顺，不过如果真系病左的话就要考虑清楚，因为辣度绝对唔系一个病厌厌既人可以承受到。千祈唔好俾佢个名呃到。至于菊花蜜，如大家谂既一样，开菊花姜蜜调配，味道还是偏浓。如果接受唔到，可以叫佢俾杯水你。