Cafe Paradise (砵蘭街) (已結業)

这间只有男服务员嘅餐厅，服务水准冇减少，小编甚至觉得系超水准，当晚有两枱客人系庆祝生日，男服务员会帮客人影相，亦会对客人讲生日快乐，店舖亦会播生日歌，小编自己亦都感受到服务员嘅亲切，抵赞。🌹蚬肉薯仔汤、沙律前菜系蚬肉薯仔汤同沙律，蚬肉薯仔汤唔错，沙律就普通咗啲，但可以啦。-🌹石烧法式羊架小编极喜欢羊架，今次仲要石烧上，见到两件羊架在烧热的石板上受热发出吱吱声，好激动。店舖好细心怕我们被啲汁弹到，畀我哋大大纸巾围住，仲提醒我哋唔好将啲酱汁放喺块石板上免得弹汁。两件羊架虽然唔大，但味道确是一流，羊膻味好重，羊架非常新鲜，酱汁仲配有烧汁同蒜蓉汁两种选择，小编觉得两款都正，两款都要试，整体赞。-🌹香脆猪手配烧汁餐牌见到个猪手大大件，嚟到果然同图一样大大份量，利害。表面已经见到𠮶块猪皮应该脆，食落真系又香又脆，肉质嫩滑唔靭并且入味，配上烧汁更吸引，配菜三色瓜唔好以为小角色可以忽略，它们一样烧得好香，要食呀！最后件薯蓉，放喺𠮶青瓜度好有趣，薯蓉本身都系香滑，整体系赞。-🌹朱古力心太软小编系套餐上加$25将甜品转成心太软，这个心太软仲搭配一球香草雪糕，冰冻嘅雪糕加上温热嘅朱古力，入口令人振奋感觉，不