霞飛點心拉麵 (已結業)

一星期大大话话都有三至四日喺iSquare或K11食lunch，所以，好多餐厅都经已试过。通常，就算第一次印象普通，都会比多次机会。霞飞系属于第一次ok，但第二次就发誓唔会再嚟𠮶种。第一次，叫咗雪菜肉丝面同一个配菜(唔记得系乜)，但出咗个水煮鱼面比我。我话错咗，佢哋转个头又比返同一碗水煮鱼面比我。一check单原来落单个叔叔喺水煮鱼面𠮶格加咗一栋，于是厨房误会咗。虽然后来都比返碗雪菜肉丝面我，但侍应嘅面口就唔系几好喇……话说回头，第一次碗面其实系几好食嘅。雪菜肉丝炒过另上，咸淡适中，所以我愿意再去。第二次，门口带位个叔叔个样已经好串，唔愿做，冇正眼望过我，随便指一指示意我自己坐。都系叫咗雪菜肉丝面，加油炆笋。个笋好硬好韧，根本咬唔开。然后，比咗碗鱼香肉丝面我……又错？我马上check单，点知今次系自己写错咗！因为都系肉丝，tick错咗隔离。哗！个大叔即时串到好似我欠咗佢咁。我自己错，都唔系想佢换，但话晒都系客，驶唔驶咁受气！结果，碗面好甜，一啲都唔好食，油炆笋又甜又韧，我带住一口甜耶耶食唔饱就离开咗。