紅茶 (已結業)

今日去咗旺角行街，行到攰攰地，见到依间茶餐厅就入左去，谂住食个下午茶。点知一入到去，啲职员好似渴狗甘渴，好唔耐烦咁叫咗我落地牢，初时我都冇乜特别，当时餐厅都唔系好满座，好多卡位都冇人坐，啲职员就只是我坐其中一张卡位，点知我一坐低，职员就用好凶恶嘅态度同我讲，你预咗要搭枱㗎。我都冇乜点理会，照叫嘢食，杯野嚟咗嘢食未到，同一个职员就叫我起身，同另一个男人搭枱，但系当时成间餐厅其实有好多卡位冇人坐，我都莫名其妙，之后个职员就好唔耐烦咁讲，得㗎啦得㗎啦。。。。我唯有照服从，但系心里面有10万个问号，好巧合同我搭枱𠮶个男人都系好嬲，大家嘅想法一样，都系话点解现场咁多空位，都要我哋搭枱。。。。。。不过估唔到最精彩嘅部份原来系最后埋单嘅时候。本身都食到成肚气，买单𠮶个职员态度更加恶劣，我企咗喺佢前面，同佢讲声唔该，我想埋单，冇理我之外，冇任何表示，我再问佢有冇得支付宝埋单，都系冇理我，之后就好唔耐烦嘅态度叫我扫支付宝二维码，我就忍唔住同佢讲，我以为你哑，之后佢就用好恶劣嘅态度回应，唔钟意下次就唔好帮衬啦。咁我完全收到晒，我本人都好耐冇喺依度打个用后感，呢一次真系要忍唔住打返段文章去表扬依间餐厅。💪🏿