#OMG (已結業)

我同朋友一黎到已经见冇人带位，自己去坐低。个时得一个人系楼面行来行去又唔系帮人落单，又唔系执紧嘢，又唔系出餐。坐左唔够5分钟我想揾个人叫嘢食，个厨师见到都想帮我揾待应先叫到佢。出餐唔算太耐，不过野食就非常麻麻... 但系中伏既位系餐饮度。茶水部等左20-30分钟都系冇人系度，我地2个餐都食完先有一个人入茶水部。佢搞左5-6分钟先搞到一杯嘢出黎，但系楼面又唔见左个唯一既待应，所以佢自己走出黎出个一杯嘢饮。之后有人埋单个茶水条友走去收银... 收完长坐系收银度。跟住原来有个待应食紧嘢，食完佢慢慢执自己餐具同碗。叫佢埋黎同佢讲我地等左个餐饮好耐，佢好臭脾气咁话得啦就走左去洗手做其他野。再揾个茶水佢出黎系比单我地，我朋友大声少少同佢讲我地等餐饮等左好耐佢先慢慢行番去整野饮。个食完饭既待应攞住我地个餐饮同个茶水嘈交又等左一排。成个过程所有楼面部同茶水部都黑口黑面。总结我完全唔建议任何人再浪费时间同金钱去呢个地方！