影片
更多
2023-08-16
4392 浏览
相关食物：Essentials - 6-course dinner menuEstro 其实系一间我bookmarked 咗一段时间嘅餐厅，之前有朋友食过话好食，所以就bookmark，当时应该都未夺得Michelin 一星，后来我拣餐厅时再仔细睇先发现佢原来已经攞咗一星，所以我对佢系有一定期望，加上系有人推介，谂住一定唔会失望得去边，可惜今次用餐体验唔算好，亦令我几失望，特别系服务方面，大家睇落去就明⋯⋯其实佢麻麻地嘅服务系由confirm booking 开始，由于我订枱时已告知佢menu上有食材系我唔食，我问佢系咪可以转其他，佢就答我可以转，但话唔可以透露因为系"subject to market and seasonal availability"，叫我"choose the menu on the day of your dining"，其实当刻我已经觉得怪怪地，至少唔系我expect嘅回覆，因为其实佢dinner set menu 系得2个，有睇过佢menu嘅朋友应该都知里面基本上系无咩选择，只系你加钱upgrade 个dish定唔加嘅问题，作为fine-dining re
Estro 其实系一间我bookmarked 咗一段时间嘅餐厅，之前有朋友食过话好食，所以就bookmark，当时应该都未夺得Michelin 一星，后来我拣餐厅时再仔细睇先发现佢原来已经攞咗一星，所以我对佢系有一定期望，加上系有人推介，谂住一定唔会失望得去边，可惜今次用餐体验唔算好，亦令我几失望，特别系服务方面，大家睇落去就明⋯⋯
其实佢麻麻地嘅服务系由confirm booking 开始，由于我订枱时已告知佢menu上有食材系我唔食，我问佢系咪可以转其他，佢就答我可以转，但话唔可以透露因为系"subject to market and seasonal availability"，叫我"choose the menu on the day of your dining"，其实当刻我已经觉得怪怪地，至少唔系我expect嘅回覆，因为其实佢dinner set menu 系得2个，有睇过佢menu嘅朋友应该都知里面基本上系无咩选择，只系你加钱upgrade 个dish定唔加嘅问题，作为fine-dining restaurant，我expect 餐前如果客人已告知有food allergy or 有食物唔食，系应该可以预早arrange 得好啲，而唔系呢个回覆，因为当日menu系已知嘅事，confirm booking 时都已经send 咗俾我，其实仲有咩到时拣呢？我已经知入面有嘢我唔食，所以先想预早问定，除非你话到时直性会有其他menu拣就另作别论，但事实唔系，anyways，当时佢咁讲就算，我无特别讲啲咩，我觉得佢哋只要noted 就okay
当晚我准时7点到达，由于有订位嘅关系，当然系唔需要等位，即时带我哋入座，餐厅环境系好，不过气氛感觉有啲拘谨，唔知点解觉得佢哋有啲皮笑肉不笑，但佢哋所有嘢系有做足嘅，只系略嫌僵硬，欠真诚
坐低望咗阵menu （其实都无嘢好望，同website一样，主要系望吓drink menu），拣好就同佢讲要essentials，而佢都有confirm 知道我有留message话有食物唔食，会帮我转另一样（鱼），但佢并无详细讲会帮我转咩煮法同用咩配料等等，我一心谂住佢应该转食材但个dish应该系用返本来煮法，或者唔会差太远，点知嚟到时好大阵味，系我好讨厌嘅味，原来系落咗我唔食嘅配料同酱汁，好失望，但我都有照拨开啲配料同酱汁照食个鱼，其实其他某几道菜系唔错，但都比呢样嘢盖过，因为真系唔钟意食，而且呢间餐厅定价亦唔算低，客人拣得食fine dining自然有一定要求
加上我觉得今次事件嘅过失，完全系来自于佢安排得差，其实我一早已经mark低我唔食啲咩，confirm booking 时为何唔可以同我夹一夹先呢？或者当时就讲低会改咩俾我唔得咩？而家系fine dining，唔系一般西餐厅，咁嘅服务真系唔多到位，有啲hea，感觉好似系佢俾咩你食就要食咁，令人感觉不良，而且当晚落order时佢都有机会解释得清楚啲但又系无，先会导致结果强差人意
其实都算数，当晚主要同人庆祝生日，唔想focus呢样野，但及后，由于我当日无特别影低menu（平时我会影，但因为佢website都有，所以觉得之后打review上去佢website睇返都得），点知到我想睇时佢已经转咗menu，我都明系会不定期转menu，只系无谂过佢会咁快转，不过唔紧要，我照whatsapp问佢哋拎返就得，点知佢哋覆我佢哋的确系转咗menu，亦话佢哋website有讲明会转，好似不满我咁，我明明只系好好礼貌问佢哋攞返旧menu for record姐，又唔系怪佢哋转menu，唔明点解好似咁defensive 咁，我解释只系想记低自己食过啲咩，佢影相俾我都得，点知佢哋之后就无视我，已读不回，呢个位真系好差，只系一个小小要求都唔理个客！
总结，今餐系某啲食物OK，服务差，价钱唔平，唔会再去❌
15 浏览
0 赞好
0 留言
134 浏览
0 赞好
0 留言
13 浏览
0 赞好
0 留言
12 浏览
0 赞好
0 留言
13 浏览
0 赞好
0 留言
10 浏览
0 赞好
0 留言
14 浏览
0 赞好
0 留言
87 浏览
0 赞好
0 留言
25 浏览
0 赞好
0 留言
20 浏览
0 赞好
0 留言
题外话/补充资料：
以呢个价嚟讲，服务的确好差，唔会再去，俾得呢个price range选择好多，唔需要贴钱买难受
(以上食记乃用户个人意见 , 并不代表OpenRice之观点。)
张贴
