炑八韓烤 (MegaBox) (已結業)

帮衬左好耐既炑八，一家三口有几个月冇黎。今日5月4日去食午餐，去到九龙湾𠮶间，一去到，有位，不过我哋坐低左，就闻到一阵臭味，要求换枱，服务员都换咗比我地，咁开始点餐，其间发觉餐具好污糟，换咗2次，先比较干净，点完餐，佢地例牌放每人一份调味酱料，但系我哋3个人，佢比左2份，我同服务员讲左3次欠左一份调味酱料，都冇人拎比我，最后一次有个好似比较高级少少既服务员，我话我讲左3次都冇人拎份调味酱料，佢即刻用一D好串既语气系我哋面前大大声同其他服务员讲，喂，呢张枱争份调味料呀，人哋追左3次㖞，唉！依家D靓做野系咁，（我想讲，呢位睇落高级少少既服务员，其实佢D态度都好差）佢其实好似串紧我多D，之后我哋食饱就走，以前黎炑八，都觉得几好食，依家食物质素唔系太好，不过见食午餐唔系好贵，所以都觉得可以接受，但系今次黎，真系觉得D服务态度唔得，希望有待改善！