影片
更多
2010-11-15
88 浏览
住左蓝田成三十年，官塘是自少到大经常出没活动的地方﹗有好野食无理由我发现唔到，点知今晚老友记就带左我去试间好野﹗地点在瑞和街街市行前少少，叫做云南风味餐厅﹗老友话自己经常同朋友来开餐，贪佢好味又抵食﹗咁好介绍我梗系咩都试下﹗睇睇餐牌，碟碟都系三十几四十蚊有交易，食个水饺十只都系廿皮，超抵﹗店子少少，木枱圆凳，简简单单的小店家庭式格局。老友是熟客，老板娘一见佢就热情招待，细问之下原来老板在官塘仲有另一间面店，有机会也可去帮趁下﹗咪讲咁多，先来支狮威饮下先﹗先来一碟从未食过既菜式，虎皮椒炒舞茸菌虎皮椒非常有，未吃已闻到菌香甚浓，第一次吃舞茸菌。入口是一阵鲜菌浓香，嚼后口内回甘不已，久久不散，调味下得不重，尽是清新自然的菌香，微辣，值得一试﹗老板娘话如果来岩季节，一定要试试出面好难找到的虎掌菌，老板每月亲自到大陆买回新鲜食料，未必可在其他地方找得到﹗麻辣鸡翼，十八蚊有四只，卖相吸引﹗鸡皮连肉退至鸡翼上方成鸡锤状，易食又方便﹗炸得香脆，麻辣味适中，细嚼下惹味过瘾，佐啤酒的胜物﹗牛干巴，我又是第一次见第一次吃的﹗原来牛干巴有如我地既金华火腿，是云南独特食物。由于易于收藏及携带，在云南很普遍，经炸
有好野食无理由我发现唔到，点知今晚老友记就带左我去试间好野﹗
地点在瑞和街街市行前少少，叫做云南风味餐厅﹗
老友话自己经常同朋友来开餐，贪佢好味又抵食﹗咁好介绍我梗系咩都试下﹗
睇睇餐牌，碟碟都系三十几四十蚊有交易，食个水饺十只都系廿皮，超抵﹗
店子少少，木枱圆凳，简简单单的小店家庭式格局。
老友是熟客，老板娘一见佢就热情招待，细问之下原来老板在官塘仲有另一间面店，有机会也可去帮趁下﹗
咪讲咁多，先来支狮威饮下先﹗
先来一碟从未食过既菜式，虎皮椒炒舞茸菌
虎皮椒非常有，未吃已闻到菌香甚浓，第一次吃舞茸菌。
入口是一阵鲜菌浓香，嚼后口内回甘不已，久久不散，调味下得不重，尽是清新自然的菌香，微辣，值得一试﹗
老板娘话如果来岩季节，一定要试试出面好难找到的虎掌菌，老板每月亲自到大陆买回新鲜食料，未必可在其他地方找得到﹗
麻辣鸡翼，十八蚊有四只，卖相吸引﹗
鸡皮连肉退至鸡翼上方成鸡锤状，易食又方便﹗
炸得香脆，麻辣味适中，细嚼下惹味过瘾，佐啤酒的胜物﹗
牛干巴，我又是第一次见第一次吃的﹗
原来牛干巴有如我地既金华火腿，是云南独特食物。
由于易于收藏及携带，在云南很普遍，经炸后硬硬脆脆的，入口干身，微辣，带超浓烈的腊肉牛膻香，老板娘话有来过的都必吃一碟用来送酒，我地当然却之不恭﹗
真系唔错，爱牛又爱味浓的可以一试﹗如有红酒我觉得会更妙﹗
韭菜水饺，自家包的﹗
老板娘话做水饺最紧要个皮做得好﹗
而家坊间好多水饺皮已经是旦到同云吞皮毫无分别，呢家入货的有其坚持，老板娘话饺皮做得唔好宁愿唔卖﹗
饺皮相当烟韧有嚼劲，馅亦够肉汁，韭菜味浓亦够猪肉甜香﹗好味啊﹗
蒜泥白肉
，没有不叫的理由吧﹗
蒜汁香浓，酱汁带醋酸亦有甜香，卖相虽然麻麻地却胜在够味，猪肉半肥瘦，吃落满口脂香，老友大赞做得不错﹗
吃吃喝喝，最后一味老板娘介绍麻辣鸡
钢锅上枱保持热温﹗
嗜辣的朋友有福了，这香辣鸡大麻大辣，我只吃了一件已投降﹗
老板娘讲到明而家出面0的麻辣料用加工的味精料作底，佢地坚持每月到内地采购，将新鲜花椒买回香港自家磨成粉末，再干炒出真香，吃得自然亦健康﹗
所以佢地既麻辣食物如水煮同这味麻辣鸡，都鲜香出众，鸡当然只是雪藏口味，但可欣赏的是佢个汁底真系辣到出哂汁，后劲仲相当强，愈食愈辣，我谂真系得老友可以清得哂佢，我真系唔多得﹗
最后饮左成五六支大啤，埋单都只系$250，相当超值﹗食家爱辣，一于下星期再带埋佢来试下先﹗
更多相:
http://hk.myblog.yahoo.com/smallsmalllin/article?mid=22524
张贴
