敏華冰廳 (已結業)

文华开始营业以来，如果当日早出门口，我都会先去文华食早餐，但呢度既服务真系一次比一次差(尤其是请左一班中年阿姐之后)！由于佢地出餐好慢(例如8:30坐低，8:50仲要追餐)，一向我都会同朋友一齐去食早餐，先到先拎位同叫野食，今日我去到文华，当时得我一个系门口，无人排队，有个普通制服既阿姐问我几位，我答佢两位，佢望左阵又问我到齐未，我答佢未，呢个时候我后面有一男一女话两位，个阿姐一句说话都无同我讲，就示意我后面一男一女入去坐，然后继续招呼新排队既人，好，反正我朋友未到，我就等我朋友两分钟之后到，跟住另一个阿姐话未有位，坐门口个哥哥仔(即是前面提到新排队既其中一个人)就话不如你坐我个位啦(我谂人地都觉得佢好过份)，我地婉拒左佢，等到有两个位就入左去坐。落单既时候我朋友问个阿姐︰「而家系味要齐人先入得啊﹖」，我地其实系想知啫，个阿姐劲寸嘴、无礼貌咁话︰「不嬲都系咁个㖞！」其实有新规矩既话我地唔介意去遵守，但至少啲员工应该话比人知而唔系无视人，人地问到既时候亦唔系咁晦气！